Farg‘оnа vilоyati hоkimligi

Muzokaralar jarayonida tomonlar qishloq xo‘jaligi mahsulotlari, to‘qimachilik, elektrotexnika, kimyo sanoati hamda yengil sanoat mahsulotlarini Afg‘oniston bozoriga yetkazib berish masalalari yuzasidan ishbilarmonlik muzokaralarini olib bordilar.

Afg‘on tomoni Farg‘ona viloyatida ishlab chiqarilayotgan mahsulotlarning sifati va raqobatbardoshligini alohida e’tirof etib, ularga katta qiziqish bildirdi. Uchrashuvlar yakunlariga ko‘ra qator yo‘nalishlar bo‘yicha dastlabki kelishuvlarga erishilib, yaqin kelajakda uzoq muddatli hamkorlikni yo‘lga qo‘yish rejalashtirilmoqda.

Aynan ushbu muzokaralar doirasida viloyat Savdo-sanoat palatasi tomonidan Farg‘ona viloyati delegatsiyasining Surxondaryo viloyatida joylashgan “Termiz xalqaro savdo markazi”da maxsus ko‘rgazma-yarmarkasi tashkil etildi. Unda viloyat hokimi o‘rinbosari Nuriddin Mamajanov boshchiligidagi tadbirkorlar delegatsiyasi ishtirok etdi.

Shuningdek, Afg‘oniston tadbirkorlari ko‘rgazmada taqdim etilgan Farg‘ona viloyati mahsulotlarining barcha turlaridan namunalarni tanlab olib, ularni keyinchalik o‘rganish, Afg‘oniston bozori talablariga moslashtirish hamda hamkorlikning istiqbolli yo‘nalishlarini belgilash maqsadida o‘zlari bilan olib ketdilar.