Viloyat hokimi Xayrullo Bozorov Dang‘ara tumanidagi o‘rganishlari davomida Renovatsiya dasturi doirasida amalga oshirilayotgan ishlar bilan ham tanishdi.
2026-01-28 16:55:00 / Yangiliklar
Viloyat hokimi Uvaysiy MFY Toshkent ko‘chasida mazkur dastur bo‘yicha qurilayotgan ko‘p qavatli uy-joylar bilan tanishdi. Ma’nan eskirgan uylar o‘rnida 2 ta 9 qavatli, birinchi qavatlarida savdo-maishiy xizmat ko‘rsatish majmuasi, qolgan qavatlarida turar joy binolari qad rostlamoqda.
Navbahor mavzesi hududida joylashgan 11 ta 2 qavatli uylar o‘rniga renovatsiya tartibida bosqichma-bosqich 12 qavatli turar joy binolarini qurish loyihasi ham borib ko‘rildi.
Shuningdek, Uvaysiy MFY Birlik ko‘chasida 9 qavatli 459 ta xonadonli turar joy kompleksi qurish loyihasi bilan ham tanishildi.
Viloyat rahbari mas’ul mutasaddilar va quruvchilar bilan muloqot qilib, qurilish ishlarini sifatli va muddatida amalga oshirish, aholi uchun munosib sharoitlar yaratish kerakligi bo‘yicha ko‘rsatmalar berdi.
Shuningdek, tumandagi ma’nan eskirgan davlat xizmatlari markazi binosi o‘rnida zamonaviy ko‘p qavatli majmua qurish loyiha taklifi ham ko‘zdan kechirildi.