Viloyat hokimi Xayrullo Bozorov Xitoy Xalq Respublikasining qurilish va energetika sohalarida katta tajribaga ega bo‘lgan investorlar guruhini qabul qildi
2026-01-27 10:40:00 / Yangiliklar
Xitoylik investorlar tomonidan viloyat iqtisodiy salohiyatini oshirishga xizmat qiluvchi bir qator yirik loyihalar bo‘yicha ma’lumot berildi. Xususan, sifatli kabel mahsulotlari ishlab chiqarish, qurilish sohasida yuqori mustahkamlikka ega sement-beton mahsulotlari tayyorlash, Marg‘ilon shahrida barpo etilayotgan "Yangi O‘zbekiston" massividagi qurilish obyektlaridagi ishtirok, qayta tiklanuvchi energiya manbalarini rivojlantirish maqsadida shamol elektr stansiyalari, shahar ko‘chalarini yoritish tizimini modernizatsiya qilish va zamonaviy energiya tejovchi chiroqlar o‘rnatish bo‘yicha loyiha takliflari ilgari surildi.
Viloyat hokimi Xayrullo Bozorov xorijlik hamkorlarning takliflarini yuqori baholab, ushbu loyihalarni hayotga tatbiq etish uchun viloyatda yetarli imkoniyat va qulay investitsiya muhiti mavjudligini ta’kidladi. Viloyat rahbari bildirilgan barcha loyihalar to‘liq qo‘llab-quvvatlanishini va ularni amalga oshirish jarayonida hokimlik tomonidan har tomonlama ko‘mak ko‘rsatilishini ma’lum qildi.
Uchrashuv yakunida tomonlar kelishilgan loyihalarni sifatli va qisqa muddatlarda boshlash, amaliy ishlar jarayonini jadallashtirishga kelishib oldilar.