Viloyat hokimi Xayrullo Bozorov Polsha Respublikasining “NEMO” kompaniyasi rahbari Xenrik Vidra boshchiligidagi delegatsiyani qabul qildi
2026-01-23 14:25:00 / Yangiliklar
Polshalik investor O‘zbekiston so‘nggi yillarda jadal sur’atlarda rivojlanayotganini, buni xalqaro hamjamiyat ham e’tirof etayotganini ta’kidladi. Ayniqsa, mamlakatda yaratilgan qulay ishbilarmonlik va investitsion muhit xorijiy sarmoyadorlar uchun keng imkoniyatlar yaratayotganini qayd etdi.
Viloyat rahbari Xayrullo Bozorov ham O‘zbekiston va Polsha o‘rtasida barcha sohalarda hamkorlik izchil rivojlanib borayotganini ta’kidlab, ushbu davlat tadbirkorlari bilan o‘zaro manfaatli loyihalarni amalga oshirishdan mamnun ekanligini bildirdi.
Xorijiy mehmonlar taqdim etilayotgan loyihalar bo‘yicha batafsil ma’lumot berdilar. Viloyat rahbari mazkur takliflarni yanada takomillashtirish va aniq reja asosida amaliy ishlarni boshlashga tayyor ekanligini bildirdi.
Shuningdek, polshalik investor Xenrik Vidra kuni kecha Farg‘ona viloyatida o‘z kompaniyasini davlat ro‘yxatidan o‘tkazganini ma’lum qilib, O‘zbekiston tomoni bilan hamkorlikda ishlashdan mamnun ekanligini ta’kidladi.
Samimiy muloqot yakunida kelgusidagi hamkorlik chora-tadbirlari kelishib olindi.