Viloyat hokimi Xayrullo Bozorov Xitoyning “China Overseas Engineering Group Co., Ltd.” kompaniyasining O‘rta Osiyodagi bosh direktori Peng Taoni qabul qildi.
2026-01-15 23:40:00 / Yangiliklar
Uchrashuvda agroturizmni rivojlantirish, mehmonxona faoliyatini yo‘lga qo‘yish, qishloq xo‘jaligi mahsulotlarini yetishtirish va qayta ishlash yo‘nalishdagi loyihalar muhokama qilindi.
Xitoy kompaniyasi vakili o‘z faoliyatlari, boy tajribalaridan kelib chiqib Farg‘onada amalga oshirilishi ko‘zda tutilayotgan loyiha takliflari haqida to‘xtalib o‘tdi.
Viloyat rahbari muhokama qilingan yo‘nalishlar dolzarb ahamiyatga egaligi, hamkorlikka va qo‘llab-quvvatlashga tayyorligini ma’lum qildi. Ishlarni aniq reja asosida tezroq boshlash zarurligini ta’kidladi. Istiqboldagi hamkorlik masalalari kelishib olindi.
Uchrashuvda viloyat hokimining o‘rinbosari Alibek Tursunov ham ishtirok etdi.