Qo‘qonni iqtisodiy-ijtimoiy va turizm salohiyatini rivojlantirish dasturlari muhokama qilindi
2025-12-13 18:50:00 / Yangiliklar
Bugun ham mazkur yo‘nalishlarda mas’ullar tomonidan olib borilgan ishlar holati o‘rganildi.
Viloyat tashkilot va boshqarmalari rahbarlari hamda mas’ullar tomonidan shahar turizm konsepsiyasini ishlab chiqish jarayonlari, bo‘sh turgan binolar xatlovdan o‘tkazilgani, ushbu obyektlarda investorlarni jalb qilish borasidagi ishlar, kambag‘allikni qisqartirish, sanoat va investitsiya sohasidagi loyihalar yuzasidan axborotlar berildi.
Amalga oshiriladigan yangi loyiha takliflari bo‘yicha taqdimotlar o‘tkazildi.
Hozirda ushbu obyektlarda o‘z loyihalari bilan ishtirok etish istagida bo‘lgan tashabbuskorlar takliflari ham tinglandi.
Shuningdek, shahar turizm konsepsiyasini ishlab chiqish doirasida 1-hudud yo‘nalish loyiha takliflari bilan tanishildi.
Qo‘qonning o‘ziga xos brendlarini yaratish takliflari bildirildi.
Viloyat rahbari mas’ullarga har bir yo‘nalishda loyihalarni mukammal ishlab chiqish, tashabbuskorlarni qo‘llab—quvvatlash hamda konsepsiyalarni oxiriga yetkazish bo‘yicha tegishli topshiriqlar berdi.