Farg‘ona viloyati hokimi Xayrullo Bozorov Boshqirdiston rahbari Radiy Xabirov bilan uchrashdi
2025-12-04 11:35:00 / Yangiliklar
Toshkentda bo‘lib o‘tgan O‘zbekiston va Rossiya o‘rtasidagi iqtisodiy hamkorlik bo‘yicha Hukumatlararo komissiyasining 26-yig‘ilishi doirasida Farg‘ona viloyati hokimi Xayrullo Bozorov Boshqirdiston rahbari Radiy Xabirov bilan uchrashdi.
Uchrashuvda Farg‘ona viloyati va Boshqirdiston Respublikasi o‘rtasida ko‘plab sohalarda hududlararo keng ko‘lamli aloqalarni kengaytirish masalalari muhokama qilindi.
O‘zbekiston va Rossiya davlat rahbarlarining yuksak siyosiy irodalari va ezgu tashabbuslari bilan ikki davlat o‘rtasidagi o‘zaro iqtisodiy aloqalar tobora kuchayib borayotgani, Farg‘ona va Boshqirdiston o‘rtasida ham o‘zaro savdo aylanmasi hajmi salmoqli o‘sib borayotgani uchrashuv davomida alohida qayd etildi.
Uchrashuv yakunida ikki hudud o‘rtasida o‘zaro hamkorlikni rivojlantirish, hududlararo birodarlashgan aloqalarni yo‘lga qo‘yish yuzasidan shartnoma imzolandi.