Oliy Majlis Qonunchilik palatasi deputatlari davlat va nodavlat sud-ekspertiza tashkilotlari hamda sud-ekspertlik faoliyatini amalga oshirayotgan ilmiy muassasalarga tashrif buyurib, ularning faoliyati bilan tanishdi
2025-11-13 09:00:00 / Vazirlik yangiliklari
✅ Joriy yilning 12-noyabr kuni Oliy Majlis Qonunchilik palatasi deputatlari Adliya vazirligi huzuridagi X. Sulaymonova nomidagi Respublika sud ekspertiza markazi, Ichki ishlar vazirligi Akademiyasi Kriminalistik ekspertizalar kafedrasi hamda “PROEX” nodavlat sud-ekspertiza tashkiloti MChJlarga tashrif buyurib, ularning faoliyati bilan tanishdi.
📌 Ta’kidlash lozimki, bugungi kunda “Sud-ekspertlik faoliyati to‘g‘risida”gi qonun loyihasi O‘zbekiston Respublikasi Oliy Majlisi Qonunchilik palatasi deputatlari tomonidan ko‘rib chiqilmoqda.
❗️Adliya vazirligi tomonidan ishlab chiqilgan mazkur Qonun loyihasi joriy yilning 28-oktabr kuni bo‘lib o‘tgan Oliy Majlis Qonunchilik palatasining yalpi majlisida deputatlar tomonidan birinchi o‘qishda qabul qilingan.
🔰 Sud-ekspertlik faoliyatini amalga oshirilishi jarayonlari bilan tanishish davomida deputatlar tomonidan Qonunga kiritilayotgan yangiliklar va normalarning bugungi kunda muhim ahamiyatga ega ekanligi ta’kidlandi.
📑 Jumladan, deputatlar tomonidan sud-ekspertlik faoliyatining yanada ishonchliligini oshirish maqsadida akkreditatsiya va validatsiya institutlari joriy etilayotganligi, qolaversa, nodavlat sud ekspertlarining maqomi qonun darajasida belgilanayotganligi, shuningdek, ularga yaqindan yordam beruvchi Sud ekspertlari palatasi tashkil etilayotganligi kelgusida o‘zining ijobiy samarasini berishi bildirildi.