Farg‘оnа vilоyati hоkimligi

Bugun mazkur majmuadagi sun‘iy ko‘l va musiqali favvora, maqom teatri, Burhoniddin Marg‘inoniy ilmiy-tadqiqot markazi, muzey, Otabek va Kumush uyi, savdo va xizmat ko‘rsatish majmualari, mehmonxonalar, bozor va gastronomiya markazining qurilishiga start berildi. Shuningdek, elektr, ichimlik suvi, tabiiy gaz ta‘minoti, avtomobilь va ichki yo‘llarni qurish ishlariga kirishildi.

Qurilish ishlarini boshlash munosabati bilan tashkil etilgan tadbirda viloyat hokimi Xayrullo Bozorov, viloyat prokurori Baxtiyor Ismoilov, viloyat IIB boshlig‘i Azizbek Ikramov, nuroniylar, mutasaddi tashkilotlar rahbarlari hamda quruvchilar ishtirok etdi.

Viloyat rahbari quruvchilar bilan muloqotda yangi inshootlar zamonaviy arxitektura talablari asosida sifatli barpo etilishini, yashil hududlarga alohida e‘tibor qaratilishini ta‘kidlab, majmua Farg‘onaning ko‘rki va obod maskani bo‘lishligini bildirdi.

Nuroniylar tomonidan boshlanayotgan ulkan bunyodkorlik ishlariga ezgu tilaklar bildirilib, duolar qilindi.

Prezidentimiz tashabbusi bilan barpo etilayotgan majmuadagi inshootlar qurilishiga kirishildi. Ob‘ektlarga mas‘ul bo‘lgan har bir tashkilotlarning shtablari tashkil etildi.