Президент қарорига мувофиқ, Сурхондарё вилоятида туризм салоҳиятини ошириш мақсадида "Сангардак" туристик маркази барпо этилмоқда. Умумий қиймати 913,3 млрд сўмни ташкил этувчи ушбу лойиҳа 615 гектар майдонни қамраб олади.
2025-07-30 16:00:00 / Янгиликлар
Бугун Сурхондарё вилояти ҳокими Улуғбек Қосимов, "Туронбанк" АТБ бошқаруви раиси Чори Мирзаев ҳамда салоҳиятли тадбиркорлар иштирокида марказ қурилиши режалаштирилган майдоннинг 16 гектар қисми бўйича ишлаб чиқилган мастер-режа тақдимоти бўлиб ўтди.
Тақдимотда Австриянинг "ИНПУТ Прожектентwиcклунгс-ГмбҲ" компанияси директори Ҳаннес Триебник иштирок этиб, ишлаб чиқилган консепсия ва лойиҳалаштириш ечимлари ҳақида батафсил маълумот берди. Мастер-режа ҳудуднинг релефи, табиий ландшафт ва тоғли-рекреацион имкониятларини инобатга олган ҳолда ишлаб чиқилган бўлиб, фунционал ва экологик жиҳатдан мақбул ечимларни ўз ичига олади.
Тақдим этилган лойиҳалар ва таклифлар муҳокама қилиниб, уларни амалга ошириш бўйича тегишли тавсиялар берилди. Шунингдек, келаси ҳафта лойиҳа ташаббускорлари иштирокида туризм маркази қурилиши режалаштирилган ҳудудда амалий ишлар бошланиши белгиланди.
Маълумот учун, мастер-режага кўра, "Сангардак" туристик маркази таркибида 21 та ресторан, кафе ва бар, 296 та савдо нуқтаси, 4 та уч юлдузли ва 2 та беш юлдузли меҳмонхона, 10 та меҳмон уйи, санаторий, маданий ҳордиқ маскани, 1,6 км узунликдаги дор йўли, "зиплайн" трассаси ва пикник ҳудудлари қурилиши режалаштирилган. Лойиҳаларни амалга ошириш учун танланган ер майдонлари босқичма-босқич ауцион савдоларига чиқарилмоқда.