Саноат ва транспорт-логистика соҳаларидаги истиқболли лойиҳалар муҳокама қилинди
2026-06-14 13:00:00 / Янгиликлар
Бугун вилоят ҳокими Улуғбек Қосимов Хитой Халқ Республикасининг "Чина Railway Construction Corporation Limited" компанияси делегациясини ҳам қабул қилди.
Компаниянинг Марказий Осиё бўйича вакили Эрсен Силамбиеке бошчилигидаги делегация билан учрашувда замонавий қишлоқ хўжалиги техникалари ишлаб чиқаришни йўлга қўйиш, шунингдек, йўл-транспорт ва логистика соҳаларидаги ҳамкорлик истиқболлари муҳокама қилинди.
Мулоқот чоғида лойиҳаларнинг иқтисодий самарадорлиги, инвестициявий жозибадорлиги ҳамда ҳудуднинг саноат ва логистика салоҳиятини оширишдаги аҳамияти юзасидан фикр алмашилди.
Якунда ташаббуслар бўйича техник-иқтисодий ҳисоб-китобларни тайёрлаш, амалий ҳамкорлик механизмларини ишлаб чиқиш ва музокараларни давом эттиришга келишиб олинди.