Бугунги кунда ўзини ўзи банд қилган шахслар учун ижтимоий солиқ тўлаб иш стажига эга бўлиш имконияти яратилган. Бунда ўзини ўзи банд қилган шахс базавий ҳисоблаш миқдори (бугунги кунда 412 минг сўм)да 1 йилда 1 маротаба ижтимоий солиқни тўласа, 1 йиллик иш стажига эга бўлади.

Мазкур ижтимоий солиқни тўлаш муддати олдин 1 декабрга қадар бўлган бўлса, 2025 йил январдан бошлаб 31 декабрга қадар узайтирилган.

Келажакдаги пенсиянгизга бефарқ бўлманг. Тезроқ ижтимоий солиқ тўлаб, 2025 йил учун иш стажига эга бўлишга улгуриб қолинг.

Ижтимоий солиқ тўловини cолиқ органларида ёки "Soliq","Xazna", "Click" мобил иловалари орқали онлайн ҳам амалга оширишингиз мумкин.