Самарқандда ўтказилаётган халқаро тадбирлар давомида хавфсизликни таъминлаш масаласи муҳокама этилди
2025-11-06 12:50:00 / Янгиликлар
Жорий йилнинг 30 октябридан 13 ноябрига қадар Самарқанд шаҳрида БМТнинг Таълим, фан ва маданият масалалари бўйича ташкилоти — ЮНЕСКО Бош конференциясининг 43-сессияси бўлиб ўтмоқда.
Мазкур халқаро тадбирнинг хавфсиз ва кўнгилдагидек ўтиши учун ҳуқуқни муҳофаза қилувчи орган ходимлари томонидан барча керакли чоралар кўрилган.
Самарқанд вилояти ИИБда Ички ишлар вазири ўринбосари генерал-майор Баҳодир Мирзараҳимов иштирокида ўтказилган йиғилишда мазкур тадбирларнинг тинч ва осойишта ўтиши, тадбирлар давомида барча хавфсизлик чораларига амал қилиш, унга бириктирилган мутасаддиларнинг масъулиятини янада ошириш масалаларига алоҳида тўхталиб ўтилди.
Айниқса сайёҳларнинг муқаддас қадамжолар ва тарихий обидаларга саёҳати чоғида уларнинг хавфсизлигига янада эътиборлироқ бўлиш лозимлиги таъкидланди.
Йиғилиш сўнгида берилган топшириқлар юзасидан керакли чора-тадбирлар белгилаб олинди.
Самарқанд вилояти ИИБ Ахборот хизмати