Мулоқот мурожаат ва ечим — Тошкент вилояти ИИББда навбатдаги фуқаролар қабули бўлиб ўтди
2025-10-20 00:25:00 / Янгиликлар
Фуқароларнинг ҳуқуқ ва манфаатларини ҳимоя қилиш, уларни қийнаётган муаммоларни ўрганиб, жойида амалий ечим топиш мақсадида Тошкент вилояти Ички ишлар бош бошқармаси раҳбарияти томонидан шахсий ҳамда сайёр қабуллар мунтазам ўтказиб келинмоқда.
Жумладан, бугун 19 октябрь куни ҳам навбатдаги қабул ташкил этилди. Унда вилоят ИИББ раҳбарияти томонидан фуқароларнинг ҳуқуқий, ижтимоий ва ички ишлар органлари фаолиятига доир турли масалалардаги мурожаатлари кўриб чиқилди.
Уларнинг асосий қисмига шу жойнинг ўзида ечим топилган бўлса, ижроси муддат талаб этадиган масалалар юзасидан масъулларга аниқ топшириқлар берилиб, назоратга олинди.
Белгиланган режа асосида, доимий равишда Тошкент вилояти ИИББ бошлиғи, полковник Абдувосит Абдуразаков бошчилигида, фуқароларнинг ички ишлар органлари фаолиятига оид, шунингдек бошқа ижтимоий соҳалардаги мурожаатлари юзасидан қабуллар ўтказилиб, тегишли чоралар кўриб борилмоқда.
Мазкур қабуллар Тошкент вилоятининг 22 та шаҳар-туманлари кесимида ҳудудий ИИБ бошлиқлари томонидан ҳам ташкил этилиб, аҳоли билан очиқ мулоқотни таъминлаш, жамиятда ҳуқуқий адолатни қарор топтириш ҳамда муаммоларни ижобий ҳал этишда муҳим аҳамият касб этмоқда.
Тошкент вилояти ИИББ Ахборот хизмати