Хавфсиз туризмни таъминлаш бўлинмаларига замонавий, махсус жиҳозланган автомашиналар топширилди
2025-10-11 14:45:00 / Янгиликлар
Унда Ички ишлар вазир ўринбосари генерал-майор Баходир Мирзарахимов иштирок этиб, Хавфсиз туризм бугунги кунда давлатимизнинг стратегик устувор йўналишларидан бири эканлигини. Туристлар ўзларини мамлакатимизда хавфсиз ҳис этишлари. Бу автомобиллар ходимларимизнинг хизмат самарадорлигини янада оширишга хизмат қилишини таъкидлаб ўтиб 25 та махсус жиҳозланган хизмат автомашиналарини тантанали равишда топширдилар.
Топширилган хизмат автомашиналари GPS-навигация тизими, Видеокузатув камералари, рақамли алоқа воситалари, Овоз кучайтиргич ва сирена тизимлари ҳамда Биринчи тиббий ёрдам учун жиҳозлар билан жиҳозланган.
Мазкур хизмат автомашиналари Самарқанд, Бухоро, Хива, Тошкент, Тошкент вилояти, Сурхондарё, Қашқадарё каби мамлакатнинг туризм салоҳияти юқори бўлган шаҳарлари ва туристик зоналарида фаолият юритади. Шунингдек, аэропортлар, вокзаллар, кўнгил очар жойларда, дам олиш масканларида жамоат тартибини сақлашда фаол иштирок этади.
Ички ишлар вазири ўринбосари томонидан топширилган мазкур хизмат автомашиналари нафақат ички ишлар органлари фаолиятини самарали ташкил этишга хизмат қилади, балки мамлакатимизда хавфсиз туризм муҳитини яратишда муҳим аҳамият касб этади. Бундай ташаббуслар орқали Ўзбекистонни хавфсиз, қулай ва жозибали туристик манзилга айлантириш йўлида амалий қадамлар қўйилмоқда.