Синтетик гиёҳвандлик воситаларини тарқатиб келган (закладшик) Тошкент вилояти ИИБ ходимлари томонидан қўлга олинди
2024-04-08 19:45:00 / Янгиликлар
Гиёҳвандлик ҳамда кучли таъсир қилувчи психотроп ва синтетик дори воситаларининг айланмасига қарши курашиш борасида, Тошкент вилояти ИИББ ва унинг қуйи тизим ходимлари томонидан жойларда кучайтирилган назорат-рейд тадбирлари ўтказилмоқда.
Хусусан, Юқори Чирчиқ туманида тунги хизматга жалб қилинган Патруль-пост хизмати ходимлари ва ҳудудий профилактика инспектори томонидан «Жумабозор» ҳудудида шубҳали кўринган 2000 й.т. икки нафар шахс (А.С. ва С.Ж)лар тўхтатиб текширилган.
Натижада ушбу шахсларнинг ёнидан 28 дона қизил полиэтилен пакетларда қадоқланган таркибида фаол гиёҳванд модда бўлган (экспертиза хулосаси) синтетик воситалар борлиги аниқланиб, далилий ашё сифатида ҳужжатлаштирилиб олинган.
Ўрганишлар давомида улар гиёҳвандлик воситаларни белгиланган жойларга яшириб, жойлашув манзилини мобил телефонлари орқали суратга олиб буюртмачига юборишлари маълум бўлган.
Ҳолат юзасидан ушланган шахсларга нисбатан Юқори Чирчиқ тумани ИИБ Тергов бўлими томонидан жиноят кодексининг 273-модда 5-қисми билан жиноят иши қўзғатилган тергов ҳаракатлари олиб борилмоқда.
Тошкент вилояти ИИББ Ахборот хизмати