Ички ишлар вазирлиги ва “Киберхавфсизлик маркази” давлат унитар корхонаси ўртасида ўзаро англашув меморандуми имзоланди
2025-10-08 18:55:00 / Янгиликлар
Жорий йилнинг 8 октябрь куни “Киберхавфсизлик саммити – Марказий Евроосиё, CSS 2025” доирасида Ички ишлар вазирлиги ва “Киберхавфсизлик маркази” давлат унитар корхонаси ўртасида киберхавфсизлик соҳасида ҳамкорликни янада мустаҳкамлашга қаратилган меморандум имзоланди.
Меморандум доирасида томонлар киберхавфсизлик ҳодисаларини аниқлаш, уларнинг олдини олиш ва оқибатларини бартараф этиш бўйича ўзаро ҳамкорликни йўлга қўйишга келишиб олдилар. Шунингдек, кибержиноятларни барвақт олдини олиш ва фош этиш, ахборот тизимларини ички текширувдан ўтказиш ҳамда соҳадаги норматив базани мустаҳкамлаш муҳим йўналиш сифатида белгиланди.
Меморандум томонларнинг ўзаро тажриба алмашиш, илғор технологиялардан фойдаланиш ҳамда муаммоларни биргаликда ҳал қилиш бўйича кенг имкониятларни очиб беради.
Ушбу меморандум киберхавфсизлик соҳасидаги миллий салоҳиятни ошириш, янги ташаббусларни амалга ошириш ва давлат ахборот ресурсларининг барқарор ишлашини таъминлаш йўлида муҳим қадам бўлди.