Жорий йилнинг 6 апрель куни Ички ишлар вазири ўринбосари генерал-майор Баходир Мирзарахимов бошчилигида ИИВ Қоровул қўшинлари қўмондонлигига қарашли 7534 ва 7535-сон ҳарбий қисмларда янги чақирилган муддатли ҳарбий хизматчиларнинг тантанали равишда Ватанга қасамёд тадбири бўлиб ўтди.

Вазир ўринбосари ИИВ Қоровул қўшинлари сафига Фарғона, Бухоро, Навоий, Жиззах, Сурхондарё вилоятлари ва Қорақалпоғистон Республикасидан чақирилган ўғлонлар халқимизнинг тинчлиги ва осойишталигини ҳар қандай шароитда кўз қорачиғидек асрашни, зиммаларига юклатилган фахрли ва масъулиятли мажбуриятларини ҳар доим эслатиб туришини, ҳарбий хизматчиларимиз ва уларнинг оила аъзоларини ижтимоий муҳофазаси таъминланиб келинаётганлигини таъкидлаб ўтдилар.

Тадбирда янги аскарлар Ватанимизни ҳимоя қилишдек фахрли, шу билан бирга масъулиятли вазифани муваффақиятли бажариб, юртимизни бугуни ва келажагини, халқимизнинг тинч ва осойишта ҳаётини ҳимоя қилиб, Қоровул қўшинларини ҳар томонлама юксалтиришга ўз ҳиссалари қўшишлари, Ватанга қасамёд қабул қилишгани билан самимий табриклар билдирилдилар.

ИИВ Транспорт ва туризм объектларида хавфсизликни таъминлаш департаменти Ахборот гуруҳи