Бухоро вилояти ИИБ раҳбарияти томонидан Бухоро шаҳрида тунги хизматга жалб қилинган ходимлар фаолияти ўрганилди
2025-09-18 09:00:00 / Янгиликлар
Бухорода илк бор ўтказилаётган халқаро замонавий санъат биенналеси муносабати билан Ички ишлар бошқармаси бошлиғи мазкур тадбирда жамоат хавфсизлигини таъминлаш борасида ходимлар томонидан амалга оширилаётган ишлар билан танишди.
«Биеннале» шаҳарнинг «Имом Бухорий» маҳалласида жойлашган «Хўжа Нуробод», «Ҳақиқат» ва «Меҳтар Анбар 24/7» тарихий-маданий туризм кўчаларида ўтказилмоқда.
Тадбирда кўплаб фуқаролар, асосан ёшлар иштирок этаётганлиги сабабли, уларнинг хавфсизлигини таъминлаш бўйича амалга оширилаётган чора-тадбирлар ўрганилди.
Ҳудудларда ўрнатилган замонавий видеокузатув воситалари, тезкор алоқа ва хизмат транспорти ҳолати ҳам кўздан кечирилди.
Шунингдек, жамоат тартиби ва хавфсизликни самарали назорат қилиш мақсадида дронлардан фойдаланиш имкониятлари ҳам кўриб чиқилди.
Ҳаво кузатуви орқали гавжум жойлар, фестиваль ҳудуди ва унга кириб-чиқиш нуқталарида тартиб бузилишининг олдини олишга эътибор қаратилди.
Фуқаролар ва сайёҳлар учун қулай шароит яратиш, тартиб бузилишининг олдини олиш, профилактика ва тушунтириш ишлари самарадорлигини ошириш масалаларида масъулларга тегишли топшириқлар берилди.
Бухоро вилояти ИИБ Ахборот хизмати