Хитой Халқ Республикасининг Урумчи шаҳрида Марказий Осиё мамлакатлари ва ХХР махсус бўлинмаларининг биринчи халқаро мусобақалари бошланди
2025-09-09 15:00:00 / Янгиликлар
Хитой Халқ Республикасининг Урумчи шаҳрида 8-11 сентябрь кунлари ХХР Жамоат хавфсизлиги вазирлиги ва Марказий Осиё давлатлари Ички ишлар вазирликларининг махсус бўлинмалари ходимлари ўртасида касбий маҳорат бўйича илк халқаро мусобақа ўтказилмоқда.
Ўзбекистон Республикаси Ички ишлар вазирлиги делегациясига вазир ўринбосари, генерал-майор Баҳодир Мирзараҳимов бошчилик қилмоқда.
Ушбу мусобақалар касбий кўникмаларни намойиш этиш, тажриба алмашиш ва минтақа мамлакатларининг куч тузилмалари ўртасидаги амалий ҳамкорликни мустаҳкамлаш учун ноёб имконият бўлди.
Очилиш маросимида ташкилотчилар бундай тадбирларни ўтказиш нафақат ходимларнинг тайёргарлик даражасини оширишга, балки давлатлар ўртасидаги ишонч ва ўзаро ҳамкорликни кучайтиришга ҳам хизмат қилишини таъкидладилар.