Мустақиллик байрами муносабати билан «Хавфсиз шаҳар» тизимларини ривожлантириш маркази ходимлари тантанали равишда тақдирланди
2025-08-30 11:00:00 / Янгиликлар
Юртимиз мустақиллигининг 34 йиллиги байрами доирасида Ички ишлар органлари тизимида ахборот технологиялари ва коммуникацияларини ривожлантириш, фуқароларимизнинг тинч ва осуда ҳаётини таъминлаш, уларнинг ҳуқуқ ва эркинликларини ҳимоя қилишда фидойилик кўрсатиб келаётган бир гуруҳ ходимлар тантанали равишда тақдирланди.
Хусусан, «Хавфсиз шаҳар» тизимларини ривожлантириш маркази ходимлари ўзининг ташаббускорлиги, билим ва касбий маҳорати, шунингдек, юртимиз тараққиётига қўшаётган муносиб ҳиссаси учун «Ташаккурнома» билан мукофотландилар.
Бу эътироф — уларнинг кундалик фидокорона меҳнатига берилган муносиб баҳо бўлиб, келгусида ҳам тинчликни таъминлаш, халқимиз осойишта ҳаётини кафолатлаш йўлида янада масъулият билан хизмат қилишга ундайди.
Айтиш жоиз, Ички ишлар органларининг ҳар бир ходими учун Мустақиллик байрами нафақат фахр, балки Ватан ва халқ олдидаги юксак масъулиятни эслатиб турувчи муҳим воқеадир.
Ички ишлар вазирлигининг «Хавфсиз шаҳар» тизимларини ривожлантириш маркази