Навоийда Йўл ҳаракати хавфсизлиги хизмати раҳбариятининг сайёр қабули ўтказилди
2025-08-23 18:30:00 / Янгиликлар
2025 йил 23 август куни Навоий вилоятида фуқароларнинг муаммоларини ижобий ҳал этиш мақсадида Ўзбекистон Республикаси ИИВ ЖХД Йўл ҳаракати хавфсизлиги хизмати бошлиғининг сайёр қабули ўтказилди.
Қабул жараёнида фуқаролар йўл ҳаракати хавфсизлигини ошириш ҳамда маҳаллий аҳоли учун зарур бўлган турли инфратузилма масалалари юзасидан ўз таклиф ва мурожаатларини билдирдилар.
Фуқароларнинг ҳар бир мурожаати атрофлича ўрганилиб, айрим муаммолар жойида ҳал қилинди. Муайян вақт талаб этувчи масалалар бўйича масъул раҳбарларга тегишли топшириқлар берилди ҳамда ижроси қатъий назоратга олинди.
Шунингдек, қабул давомида аҳолига йўл ҳаракати қоидаларига риоя қилиш, болаларнинг хавфсизлигини таъминлаш ва профилактик чора-тадбирларни кучайтириш зарурлиги ҳақида тушунтириш ишлари ҳам олиб борилди.
ИИВ Йўл ҳаракати хавфсизлиги хизмати Ахборот хизмати