Бир миллион ёшларни қамраб олиш доирасидаги навбатдаги тадбир Паркент туманида ўтказилди
2024-03-17 10:35:00 / Янгиликлар
Хабар берилганидек, давлат раҳбари топшириғига асосан бир миллион ёшларни қамраб олган дастур доирасида ёшлар муаммоларини манзилли ҳал этишга қаратилган тадбирлар ташкил қилинмоқда.
Шу каби навбатдаги тадбир вилоятнинг Паркент туманида ўтказилди. Унда, Тошкент вилояти ИИББ Миграция ва фуқароликни расмийлаштириш бошқармаси масъул раҳбарлари, туман мутасаддилари ва ички ишлар органларига бириктирилган ёшлар иштирок этдилар.
Тадбир давомида паркентлик ёшларнинг турли мазмундаги мурожаатлари тингланиб, уларнинг амалий ижроси назоратга олинди.
Шунингдек, ёшлар орасида спортни оммалаштириш ва соғлом турмуш тарзини тарғиб қилиш мақсадида, маҳалла ёшлари ўртасида волейбол мусобақаси ўтказилди ва ғолиблар эсдалик совғалар билан тақдирланди.
Ёшларни ҳар томонлама қўллаб-қувватлаш ва ватанпарварлик руҳида тарбиялашга қаратилган шу каби тадбирлар вилоятнинг барча шаҳар-туманларида давом эттирилмоқда.
Тошкент вилояти ИИББ Ахборот хизмати