Наманган вилояти Чортоқ туманида ҳаракат хавфсизлигини таъминлаш, йўл инфратузилмасини яхшилаш ва тирбандликларни олдини олиш бўйича амалга оширилаётган ишлар ўрганилди
2025-07-13 11:15:00 / Янгиликлар
Жорий йилнинг 9 июль куни давлатимиз раҳбари ҳузурида йўл ҳаракати хавфсизлигини таъминлаш, инфратузилмасини яхшилаш ва тирбандликларни камайтириш чора-тадбирлари юзасидан ўтказилган видеоселектор йиғилишида берилган топшириқларнинг ижросини таъминлаш мақсадида вилоятимизнинг барча ҳудудларида амалий ишлар олиб борилмоқда.
Вилоят Ички ишлар бошқармаси ва Миллий гвардия вилоят бошқармаси раҳбарлари бошчилигида ишчи гуруҳ Чортоқ туманидаги бўлиб, туман марказидаги кўчалардаги тирбандликларни камайтириш, ҳайдовчилар ва фуқароларга қулайликлар яратиш, ҳаракат хавфсизлигини таъминлаш бўйича йўл ҳаракати хавфсизлиги бошқармаси ҳамда туман ҳокимлигининг ҳамкорликдаги лойиҳа таклифи билан яқиндан танишди.
Шунингдек, ишчи гуруҳ томонидан мавжуд муаммолар жойида ўрганилиб, фуқаролар ва ҳайдовчилар билан суҳбатлашилди. Шу билан бирга, уларнинг таклиф ҳамда мулоҳазалари тингланди.
Ўрганишлар давомида, лойиҳада кўрсатилган таклифларни амалиётга тўлиқ жорий қилишдан олдин уни синов тарзида амалга киритиш ва кенг жамоатчилик фикрини ўрганиш бўйича масъул раҳбарларга аниқ топшириқлар берилди.
Наманган вилояти ИИБ Ахборот хизмати