Алишер Навоий номидаги Тошкент давлат ўзбек тили ва адабиёти университети ҳамда Ўзбекистон Республикаси Ички ишлар вазирлиги Жазони ижро этиш департаменти ўртасида ҳамкорлик меморандуми имзоланди
2025-07-01 12:15:00 / Янгиликлар
Алишер Навоий номидаги Тошкент давлат ўзбек тили ва адабиёти университетида муҳим учрашув бўлиб ўтди. Унда Ўзбекистон Республикаси Ички ишлар вазирлиги Жазони ижро этиш департаменти раҳбарияти ҳамда университет ректори, иштирок этди.
Мазкур учрашувнинг асосий мақсади — университет ҳамда Ички ишлар вазирлиги Жазони ижро этиш департаменти ўртасида ўзаро ҳамкорлик меморандумини имзолаш, шунингдек, ушбу тизим учун кадрлар тайёрлаш бўйича университет базасида хизмат кўрсатиш шартномасини расмийлаштиришдан иборат бўлди.
Мулоқот давомида психология йўналишида таҳсил олаётган талабаларнинг амалиёт базаларини кенгайтириш, пенитенсиар психология соҳасини ривожлантириш истиқболлари ҳамда мазкур йўналишдаги ҳамкорлик имкониятлари муҳокама қилинди.
Ушбу ҳамкорлик Ўзбекистонда пенитенсиар психологиянинг илмий ва амалий асосларини мустаҳкамлаш, шунингдек, соҳага ихтисослашган малакали мутахассислар тайёрлашга хизмат қилади.
ИИВ Жазони ижро этиш департаменти Ахборот хизмати