Ички ишлар вазирлиги Тезкор-қидирув департаменти Киберхавфсизлик маркази томонидан “Нурли маскан”да ”Рақамли маданият” ҳафталиги ҳафталик тарғибот-танловлари ташкил этилди
2024-02-03 09:00:00 / Янгиликлар
Ички ишлар вазирлиги Тезкор-қидирув департаменти Киберхавфсизлик маркази томонидан Тошкент шаҳридаги 77-сонли “Нурли маскан”да 29 январь кунидан 2 февраль кунига қадар “Рақамли маданият” ҳафталик тарғибот-танловлари ташкил этилди.
Ушбу ҳафталик ўқувчилар ва ўқитувчиларни кибержиноятлардан жабрланиб қолишини олдини олиш ҳамда виртуал оламдаги кибертаҳдидлардан огоҳлигини ошириш мақсадида ўтказилди.
Тадбирларнинг якуний қисмида, ИИВ Маданият саройи ашула ва рақс ансамбли, санъаткор сўз устаси Аваз Охун ва мактаб ўқувчиларининг севимли актёри бўлган Эркин Бозоровлар иштирок этиб, танловларнинг ғолиб ва совриндорларига эсдалик совғалари топширдилар.
Ҳафталик тадбирлар доирасида:
“Энг яхши иншо” танлови;
“Қувноқ стартлар” мусобақаси;
“Энг яхши видеороликлар” танлови;
“Жамоалар беллашуви” кўрик танловлари ўтказилди.
Тадбирлари давомида “Нурли маскан”нинг барча ўқувчи, ўқитувчи ва тарбиячилари қамраб олинди.
ИИВ Тезкор қидирув департаменти Киберхавфсизлик маркази