Ота-она қарамоғидан маҳрум бўлган Ўзбекистон Республикаси фуқароларининг жами 16 нафар болалар Ўзбекистон Республикасига қайтарилди
2025-04-06 09:00:00 / Янгиликлар
Ўзбекистон Республикаси Вазирлар Маҳкамасининг 2020 йил 7 январдаги Вазирлар Маҳкамасининг 6-сон «Хорижда ота-она қарамоғидан маҳрум бўлган Ўзбекистон Республикаси фуқароларининг болаларини Ўзбекистон Республикасига қайтариш тартибини такомиллаштириш тўғрисида»ги қарорига мувофиқ Ўзбекистон Республикаси Ички ишлар вазирлиги Жамоат хавфсизлиги департаменти Ҳуқуқбузарликлар профилактикаси хизмати ҳамда Соғлиқни сақлаш вазирлиги мутахассисларидан иборат ишчи гуруҳлар томонидан жорий йилнинг 5 апрель куни Россия Федерациясидаги Ўзбекистон Республикасининг элчихонаси билан ҳамкорликда ота-она қарамоғидан маҳрум бўлган Ўзбекистон Республикаси фуқароларининг жами 16 нафар болалар Ўзбекистон Республикасига қайтарилди.
Олиб келинган болаларнинг барчасига тиббий, психологик ва ижтимоий ёрдамлар кўрсатилиб, 15 нафари Тошкент шаҳар ИИББ ҲПБ Вояга етмаганларга ижтимоий-ҳуқуқий ёрдам кўрсатиш марказига, 1 нафари Тошкент шаҳар болалар уйи давлат корхонасига топширилди.
ИИВ Жамоат хавфсизлиги департаменти Ахборот хизмати