Тошкент вилояти бўйлаб «Яшил макон» лойиҳаси доирасида ИИО ходимлари томонидан 80 000 дан ортиқ кўчат экилди
2025-04-02 13:05:00 / Янгиликлар
Хусусан, ИИББ ходимлари томонидан лойиҳаси доирасида Оҳангарон-Тошкент йўналишидаги йўл ёқасига 1 кунда 10 000 дан ортиқ дарахт кўчатлари экилди.
Ушбу тадбирнинг мақсади ҳудуднинг экологик ҳолатини яхшилаш, ҳавони тозалаш ва яшил майдонларни кўпайтиришдир. Тадбир бошидан буён вилоят, туман ва шаҳар ИИО ходимлари томонидан 80 000 дан ортиқ манзарали кўчатлар ўтказилди.
«Яшил макон» лойиҳаси Ўзбекистоннинг экологик муаммоларига жавоб сифатида бошланди ва кенг жамоатчиликнинг қатнашуви билан амалга оширилмоқда. Ушбу лойиҳа, нафақат табиатни муҳофаза қилиш, балки фуқароларни табиатга нисбатан ҳурмат руҳида тарбиялашга ҳам хизмат қилмоқда.
Экологик барқарорликка эришиш учун бундай ташаббуслар жуда муҳимдир, чунки улар нафақат бугунги кун учун, балки келажак авлодлар учун ҳам яшил ва тоза муҳит яратишга ҳисса қўшади. Яшил макон лойиҳасининг муваффақияти, аҳоли ва ҳукуматнинг биргаликдаги саъй-ҳаракатлари билан ўзининг улкан самарасини бермоқда.
Тошкент вилояти ИИББ Ахборот хизмати