Самарқандда ижтимоий муҳитни яхшилаш ва жиноятчиликка қарши курашиш мақсадида ўтказилган тадбирлар ва Ургут туманидаги жиноятлар таҳлили
2025-03-29 10:15:00 / Янгиликлар
Самарқанд вилоятида ижтимоий муҳитни яхшилаш ва жиноятчиликка қарши курашишга қаратилган тадбирлар доирасида, пробация ҳисобидаги шахслар билан учрашувлар ўтказилди. Бу тадбирда Самарқанд вилояти ИИБ бошлиғи Рахмат Маматов ва вилоят прокурорининг 1-ўринбосари Сарвар Бозоров иштирок этиб, жиноят содир этган ва пробацияда турган шахсларнинг ижтимоий мослашишини таъминлаш ва уларнинг муаммоларини бартараф этишнинг аҳамиятига эътибор қаратишди. Шунингдек, учрашувда, пробацияда турган шахслар билан мунтазам юзма-юз суҳбатлар ўтказиш, уларнинг яшаш манзилларига “Хонадонбай“ бориш орқали ижтимоий аҳволини баҳолаш ва муаммоларини ҳал қилиш каби чора-тадбирлар сўзга олинди. Вилоят Ички ишлар бошқармаси Жамоат хавфсизлиги хизмати ва Пробация бошқармаси томонидан, назоратдаги шахсларни ҳаётга мослаштириш мақсадида турли тадбирлар амалга оширилмоқда. Мутахассис-психологлар томонидан тренинглар ташкил этилиб, назоратдаги шахсларнинг ички дунёси ўрганилади ва уларга керакли тавсиялар берилади. Учрашувда, шахслардан олинган таклифлар ва муаммолар тингланиб, уларни бартараф этиш юзасидан аниқ топшириқлар берилди.
Вилоят прокуратурасида ўтказилган йиғилишда Ургут туманида содир этилган жиноятлар ва ҳуқуқбузарликлар таҳлил қилинди. Йиғилишда, жиноятчиликни олдини олиш ва профилактик ишларни самарали олиб бориш учун масъулларга катта масъулият юклатилди. Шунингдек, жиноятчиликка қарши курашишда хатога йўл қўйган раҳбар ва масъуллар танқид қилинди ва аниқ чора-тадбирлар белгилаб олинди. Мазкур тадбирлар ва йиғилишлар жиноятларнинг олдини олиш ва ижтимоий муҳитни яхшилашга қаратилган муҳим қадамлардан бири сифатида, одамларнинг ҳаётга қайта мослашишини таъминлаш ва жамиятда ижобий ўзгаришлар қилишга йўналтирилган.
Самарқанд вилояти ИИБ Ахборот хизмати