ИИВ Транспорт ва туризм объектларида хавфсизликни таъминлаш департаменти ходимлари томонидан байрам ўтказилаётган ҳудудларда маҳаллий ва хорижий меҳмонларнинг хавфсизлиги таъминламоқда
2025-01-04 10:00:00 / Янгиликлар
Ўзбекистон Республикаси ИИВ Транспорт ва туризм объектларида хавфсизликни таъминлаш департаменти Хавфсиз туризмни таъминлаш бошқармаси масъуллари томонидан жойларда янги йил байрамини тинч ва осойишта кутиб олиш бўйича кўрилган чора тадбирлар кўздан кечирилмоқда.
Жумладан, Тошкент шаҳри, Юнусобод тумани, Истиқлол кўчасида жойлашган Марказий арчада ва Яккасарой тумани, Фурқат кўчасида жойлашган (Magic City) Янги йил арчалари атрофида кўрилган хавфсизлик чора-тадбирлари, фуқароларга ва туристларга яратилган шарт-шароитлар ва хизматга жалб этилган ходимларнинг шайлиги ўрганилди.
Айни жараёнда Хавфсиз туризмни таъминлаш ходимлари олдидаги масъулиятни янада ошириш, қатъий тартиб интизом асосида хизмат ташкиллаштириш, ҳудудларни кузатувга олиш, байрамни хавфсиз ташкил этиш, маҳаллий ва хорижий туристлар билан боғлиқ кўнгилсиз ҳодисалар бўлмаслиги юзасидан тегишли топшириқлар берилди.
ИИВ Транспорт ва туризм объектларида хавфсизликни таъминлаш департаменти Ахборот гуруҳи