Департаментнинг 2024 йил 12 сентябрь кунидаги «Департамент соҳавий хизматлар томонидан ўз фаолияти бўйича жазони ижро этиш муассасаларни намунавий тарзда ташкил этиш тўғрисида»ги Режа-жадвалга асосан, жорий йилнинг 5 декабрь куни Бухоро вилоятида жойлашган Олтинчи минтақавий ҳудуд 1-сон жазони ижро этиш колониясида ёпиқ турдаги жазони ижро этиш колонияларининг тарбиявий ишлар бўлими бошлиқлари ўртасида тажриба алмашиш бўйича назарий ва амалий машғулотлар ўтказилди.

Тажриба алмашишга жалб қилинган ходимларнинг билим савиясини ошириш бўйича Департамент Тарбиявий ишларни ташкил этиш бошқармаси ходимлари томонидан ўқув-машғулот ўтказилиб, жазони ижро этиш муассасаларида маҳкумлар билан тарбиявий тадбирларни ташкиллаштириш, улар билан доимий равишда профилактик суҳбатлар ўтказиш ҳамда амалга оширилган ишлар юзасидан ҳужжатларни расмийлаштириш тартиби ўргатилди.

Ўқув йиғилишдан сўнг, 1-сон жазони ижро этиш колонияси бошлиғи подполковник З.Турдиев, тартибот ва тарбиявий ишлар бўйича бошлиқ ўринбосари подполковник Н.Камалов ҳамда тарбиявий ишлар бўлими бошлиғи майор Б.Расуловлар томонидан колонияда маҳкумлар билан тарбиявий тадбирларни амалга оширишда қилинган ишлар, яратилган шароитлар ходимларга таништирилди.

Тадбир якунида тажриба алмашишга жалб қилинган ходимлар томонидан 1-сон жазони ижро этиш колониясидан олган тажрибалари юзасидан фикр алмашдилар.

ИИВ ҳузуридаги Жазони ижро этиш департаменти Ахборот хизмати