Ички ишлар вазирлигининг ихтисослаштирилган мактаб-интернатида “Конституция – бахтимиз қомуси” номли бош қомусимизнинг 32 йиллик тадбири кенг нишонланди
2024-12-08 14:05:00 / Янгиликлар
Ўзбекистон Республикаси ИИВнинг ихтисослаштирилган мактаб-интернатида “Конституция – бахтимиз қомуси” номли бош қомусимизнинг 32 йиллик тадбири кенг нишонланди. Тадбирда бошида Ўзбекистон Республикаси Давлат мадҳияси жаранглади.
Тадбирга Ўзбекистон Республикаси меҳнат ва ижтимоий муносабатлар Академияси профессори Юридик фанлари номзоди, Худойбердиев Ахрор Қосималиевич ҳамда Ўзбекистон Республикаси меҳнат ва ижтимоий муносабатлар Академияси ўқитувчиси Йўлдошбеков Анваржон Алишеровичлар ташриф буюришди.
Тадбирга ташриф буюрганлар мамлакатимизда ҳар бир фуқаронинг қонуний ҳақ-ҳуқуқлари бош қомусимиз ҳисобланган – Конституцияда мустаҳкам белгилаб берилганлигини, юртимизда барча ислоҳотлар «Инсон қадри учун» деган эзгу тамойил асосида амалга оширилаётганлигини эътироф этишди.
Ўтган даврда жамиятимизнинг сиёсий-ҳуқуқий, ижтимоий-иқтисодий, маданий-маърифий манзараси бутунлай ўзгариб, эркинлик ва очиқлик, қонун устуворлиги, жаҳон ҳамжамияти билан ўзаро манфаатли ҳамкорлик давлатимиз сиёсатининг асосий йўналишига айланди. Бу эса, халқимизнинг эртанги кунга бўлган ишончи ортишига, турмуш тарзининг яхшиланишига, ҳар бир ҳудудда тинчлик-осойишталикнинг таъминлашига хизмат қилмоқда.
Конституция куни муносабати билан, мамлакатимиз мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини юксалтириш, мудофаа қудратини ошириш, давлатимиз сарҳадларининг дахлсизлигини таъминлаш, тинчлик ва барқарорликни, миллатлараро дўстлик ва тотувликни асраш, Янги Ўзбекистонда демократик ислоҳотларни чуқурлаштириш, инсон ҳуқуқлари ва эркинликлари, қадр-қиммати улуғланадиган адолатли фуқаролик жамиятини барпо этиш, асосий Қонунимизнинг ҳаётимиздаги ўрни ва аҳамиятини кенг тарғиб қилиш, ёш авлодни қонунга ҳурмат, Ватанга меҳр ва садоқат руҳида тарбиялаш, шунингдек асосий қонунимизда Ўзбекистон ижтимоий давлат сифатида белгиланганидан келиб чиқиб, шаҳар ва қишлоқларимизни обод қилиш, янги уй-жойлар, тиббиёт, таълим, маданият, санъат ва спорт масканларини барпо этиш, йўл ва коммуникация тармоқларини модернизация қилиш, манзилли ижтимоий ҳимояни кучайтириш биринчи даражали аҳамият касб этади.
Жумладан, соғлиқни сақлаш соҳасига ажратилаётган маблағлар ҳажми 2 баробар кўпайтирилиб, тиббий суғурта тизимига ўтиш ва аҳолини кафолатланган тиббий хизматлар билан тўлиқ таъминлаш устувор вазифамиз бўлиб қолади.
Тадбир кўтаринки руҳда ўтказилиб барча иштирокчиларнинг эътирофига сазовор бўлди.
ИИВ ихтисослаштирилган мактаб-интернати