Ўзбекистон Республикаси Ички ишлар вазирлиги

Илмий-амалий конференцияда Ички ишлар вазирлиги соҳавий хизматлар, ИИВ Академияси, Қуролли Кучлар Академияси, Ҳуқуқни муҳофаза қилиш Академияси, Жамоат хавфсизлиги университети, Тошкент шаҳридаги Турин политехника университети, CYBER-BRO киберхавфсизлик компанияси, Universoft IT компанияси бош директорлари, Малака ошириш институти профессор-ўқитувчилари, масъул ходимлари ўз маърузалари билан иштирок этдилар.

Конференцияда Малака ошириш институти бошлиғи, т.ф.н., доцент, полковник Олимжон Ахмедов, кейинги йилларда ахборот технологияларининг дастурлаш, ахборотни узатиш, маълумотлар таҳлили, ахборот хавфсизлиги, киберхавфсизлик ҳамда сунъий интеллект технологиялари соҳасида ўзгаришлар яққол сезилаётгани, ахборот технологиялари ривожланиб боргани сари кибержиноятлар салмоғи ҳам ўсиб бораётгани тўғрисида тўхталиб ўтди.

Республика илмий-амалий конференцияда иштирокчиларнинг кибержиноятчиликка қарши курашишнинг ҳуқуқий, ташкилий, молиявий-иқтисодий, муҳандислик-техник муаммолари ва ечимларининг долзарб масалаларига оид фикр ва мулоҳазалари эшитилди ҳамда таклиф ва тавсиялари муҳокама қилинди.

Шунингдек, тадбир доирасида Ўзбекистон Республикаси ИИВ Малака ошириш институти ва Тошкент шаҳридаги Турин политехника университети ҳамда CYBER-BRO киберхавфсизлик компанияси ўртасида «Ички ишлар ходимларини IT соҳасига йўналтириш, билим ва кўникмаларини такомиллаштириш бўйича ўзаро ҳамкорлик фаолияти тўғрисида» меморандум имзоланди.

ИИВ Малака ошириш институти Матбуот хизмати