Ўзбекистон Республикаси ИИВ раҳбарияти ва Туркия ИИВ делегацияси билан икки томонлама ҳамкорлик учрашуви бўлиб ўтди
2024-11-27 18:25:00 / Янгиликлар
Учрашув мамлакатда қолишга қонуний ҳуқуқи бўлмаган шахсларни қайта қабул қилиш жараёнларини автоматлаштирувчи, рақамли таққословчи ва жараённи тезлаштирувчи ахборот технологиялари тизими тақдимоти билан бошланди.
Учрашувда икки томон аъзолари ҳам ўртага қўйилган долзарб масала юзасидан ўзларининг кенг қамровли фикр мулоҳазаларини билдириб ўтдилар.
Шунингдек учрашув давомида мамлакатга келаётган йўловчилар тўғрисида олдиндан хабар бериш тизимининг тақдимоти ҳамда Туркия Республикаси ИИВ Миграция бош бошқармаси ва Ўзбекистон Республикаси ИИВ Миграция ва фуқароликни расмийлаштириш бош бошқармаси ўртасида ноқонуний миграцияга қарши курашиш соҳасида ҳамкорлик алоқалари муҳокамаси ҳам бўлиб ўтди.
Учрашув дўстона ва конструктив рухда ўтди.