Бухоро вилояти Ички ишлар органларининг хотин-қизлар масалалари бўйича инспекторлари ҳамда маҳаллалардаги хотин-қизлар фаолларининг психология йўналиши бўйича касбий билим ва кўникмалари оширилди
2024-11-07 09:00:00 / Янгиликлар
Тадбирда ИИВ Жамоат хавфсизлиги департаменти Ҳуқуқбузарликлар профилактикаси хизмати ҳамда «Истиқболли авлод» мутахассислари гендер зўравонликка қарши курашишнинг халқаро ва миллий меъёрий ҳуқуқий асослари хусусида сўз юритишди.
Шунингдек, хотин-қизларга нисбатан зўравонлик ҳолатларининг олдини олиш ва бу борадаги психологик ёрдам, тазйиқ ва зўравонликдан жабрланган шахсларга ҳимоя ордери бериш тартиби, шу қаторда урф-одатга асосланган ижтимоий меъёрлар гендер зўравонликнинг сабаби сифатида, зўравонликнинг оилавий низодан фарқи, гендер зўравонлик иштирокчилари ва турлари, унинг муаммо сифатида тан олиниши каби йўналишларда тренинглар ўтилди.
Бухоро вилояти ИИБ Ахборот хизмати