Наманган вилоятида «Беш ташаббус олимпиадаси» доирасида спортнинг волейбол тури бўйича Ички ишлар вазири кубогининг Республика босқичига старт берилди
2024-11-06 20:40:00 / Янгиликлар
Давлатимиз раҳбарининг 2022 йил 11 апрелдаги «Маҳаллаларда ёшларни оммавий спортга жалб қилишни янги босқичга олиб чиқиш чора-тадбирлари тўғрисида»ги ПҚ-201-сон Қарори ижросини таъминлаш ва аҳоли ўртасида соғлом турмуш тарзини шакллантириш мақсадида спорт мусобақалари ўтказилиб келинмоқда.
Бугун Янги Наманган туманида жойлашган «Паҳлавон» спорт мажмуасида қизлар ўртасидаги волейбол мусобақасининг «А» лига бўйича Республика босқичининг очилиш маросими бўлиб ўтди.
Маросимда Наманган вилояти ҳокими Шавкатжон Абдураззоқов, Ички ишлар бошқармаси бошлиғи полковник Шухрат Алиев, спорт вазири маслаҳатчиси Шарифжон Мўминжонов, Волейбол федерацияси раҳбари ўринбосари Жамшид Файзиев, Республика ёшлар ишлари агентлиги директори биринчи ўринбосари Дилноза Каттаханова, Миллий Гвардия бошқармаси бошлиғи полковник Хамидулла Маматовлар иштирок этиб, мамлакатимизнинг барча ҳудудларидан келган спортчи аёл ва қизларга ушбу мусобақада омад тиладилар.
Шундан сўнг жамоалар қура ташлаш натижаларига кўра баҳсларга киришишди.
Наманган вилояти ИИБ Ахборот хизмати