“25 октябр – Ички ишлар органлари ходимлари куни” байрами муносабати билан Транспорт ва туризм объектларида хавфсизликни таъминлаш департаментида маънавий-маърифий тадбир ўтказилди
2024-11-02 14:55:00 / Янгиликлар
Янги Ўзбекистонда “Барча ислоҳот ва ўзгаришлар – инсон қадрини юксалтириш учун” деган эзгу тамойилга таянган, юртимиздаги тинчлик-осойишталикнинг кафолати бўла оладиган, содиқ, юксак билим ва профессионал кўникмаларга эга ватанпарвар кадрларни ўзида жамлаган, ички ишлар органлари ҳам ғоят шарафли ва масъулиятли йўлни босиб ўтди. Айниқса, кейинги саккиз йилда Президентимиз раҳбарлигида тизимда пухта ўйланган ва кенг қамровли ислоҳотлар амалга оширилди.
Шу жумладан Транспорт ва туризм объектларида тинчлик-осойишталикни сақлаш, жамоат тартиби ва фуқаролар хавфсизлигини таъминлашдек олижаноб вазифага ўз ҳаётини бағишлаб келаётган Транспорт ва туризм объектларида хавфсизликни таъминлаш департаментининг бир гуруҳ ходимларини тақдирлаш юзасидан, маънавий-маърифий тадбир ўтказилди.
Мазкур тадбир Ўзбекистон Республикаси Давлат мадҳияси билан бошланиб, сўнг вазир ўринбосари генерал-майор Баходир Юлдашевич Мирзарахимов томонидан Ички ишлар вазирининг “25 октябр – Ички ишлар органлари ходимлари куни” байрам табриги ўқиб эшиттирилди.
Сўнг, Ўзбекистон Республикаси Президентининг Фармони билан мукофотланган Наманган вилояти транспортда хавфсизликни таъминлаш бошқармаси бошлиғи, подполковник Хидиров Юсуфжон Илхомжоновичга вазир ўринбосари томонидан “Шуҳрат” медали давра марказида топширилди.
Шунингдек, Транспорт ва туризм объектларида хавфсизликни таъминлаш департаменти марказий аппарати ҳамда ҳудудий бошқарма ва бўлинмаларининг бир гуруҳ ходимларига Ички ишлар вазирининг буйруғи билан, бир нафар “Тезкор хизмат аълочиси”, икки нафар ходимга “Аъло хизматлари учун”, икки нафар ходимга 1-даражали “Ички ишлар органларида бенуқсон хизматлари учун”, тўрт нафар ходимга 2-даражали “Ички ишлар органларида бенуқсон хизматлари учун”, икки нафар ходимга 3-даражали “Ички ишлар органларида бенуқсон хизматлари учун” кўкрак нишонлари, ҳамда олти нафар ходимга Ички ишлар вазирининг “Фахрий ёрлиғи”, эсдалик қўл соати, қимматбаҳо китоблар тўплами ва пул мукофотлари, Ипотекага олинган уй-жойнинг 25% миқдорида бошланғич суммаси 25 нафар ходимларга тантанали равишда топширилиб, вазир ўринбосари томонидан ёш авлодни Ватанга садоқат рухида тарбиялаш, ҳуқуқ-тартиботни таъминлаш борасида ҳамкасблари орасида алоҳида ўрнак бўлиб келаётган 15 нафар ходимларга “Ташаккурнома” топширилди.
Ҳамкорлик борасида олиб бораётган самарали меҳнатлари учун Ўзбекистон Республикаси Транспорт Прокурори томонидан 7 нафар ходим, “Темир йул экспресс“ АЖ томонидан 6 нафар ходим рағбатлантирилди.
Тадбир давомида, “25 октябр – Ички ишлар органлари ходимлари куни” муносабати билан ёш ходимларга ўзларининг қимматли маслаҳат ва ўгитларини бериб келаётган фахрийлар кенгаши аъзоларига вазир ўринбосари томонидан “Ташаккурнома” ва қимматбаҳо совғалар топширилди.
Транспорт ва туризм объектларида хавфсизликни таъминлаш департаменти Ахборот гуруҳи