ИИВ Қоровул қўшинлари хотин-қизлар ва тиббиёт олий маълумотига эга фуқароларни контракт бўйича ҳарбий хизматга қабул қилиш учун танлов эълон қилади
2026-11-22 10:00:00 / Янгиликлар

Ўзбекистон Республикаси Ички ишлар вазирлиги Қоровул қўшинларида бўш шифокорлик ҳамда умумий ўрта, ўрта-махсус, профессионал ёки олий маълумотга эга бўлган хотин-қизларни оддий аскар ва сержантлар таркиби лавозимларини жамлаш мақсадида контракт бўйича ҳарбий хизматга қабул қилиш учун танлов эълон қилади.
“Умумий амалиёт шифокори” лавозимларига тиббиёт олийгоҳларини тамомлаган олий маълумотга эга ва ҳарбий хизматни ўтаган ёки захирадаги офицер унвонидаги (тиббиёт коллежини тамомлаган ўрта-махсус маълумотли фуқаролар бундан мустасно) 30 ёшгача бўлган, бўй кўрсаткичи 165 смдан паст бўлмаган Ўзбекистон Республикаси фуқароларини офицерлик лавозимларига контракт бўйича ҳарбий хизматга қабул қилиш учун ўтказиладиган саралаш тадбирларида иштирок этишга таклиф этамиз.
Контракт бўйича ҳарбий хизматга кириш истагида бўлган ҳамда юқоридаги талабларга мос келадиган фуқаролар Тошкент шаҳар, Миробод тумани, Амиробод кўчаси, 1-уйга (Қоровул қўшинлари қўмондонлиги) 2026 йилнинг 15 декабрь куни соат 08:00дан 12:00га қадар келиб мурожаат қилишлари сўралади.
Ҳарбий-касбий саралашда иштирок этадиган фуқаролар ўзлари билан шахсини тасдиқловчи ҳужжат, маълумоти бўйича диплом, ҳарбий гувоҳномаси ёки захирадаги офицер гувоҳномасини олиб келиши лозим.
Изоҳ: Саралашда иштирок этиш учун фақат юқорида кўрсатилган талабларга мос келадиган олий маълумотли фуқаролар мурожаат этишлари сўралади.
Ўзбекистон Республикаси Ички ишлар вазирлиги Қоровул қўшинлари бўш лавозимларни жамлаш мақсадида умумий ўрта, ўрта-махсус, профессионал ёки олий маълумотга эга бўлган хотин-қизларни оддий аскар ва сержантлар таркиби лавозимларига контракт бўйича ҳарбий хизматга қабул қилиш учун танлов эълон қилади.
ИИВ Қоровул қўшинлари хотин-қизларни оддий аскар ва сержантлар таркиби лавозимларига контракт бўйича ҳарбий хизматга қабул қилиш учун ўтказиладиган ҳарбий-касбий саралашда иштирок этишга таклиф этади.
Контракт бўйича ҳарбий хизматга кириш истагида бўлган хотин-қизлар 2026 йилнинг 15 декабрь куни соат 08:00дан 12:00га қадар Тошкент шаҳар, Миробод тумани, Амиробод кўчаси, 1-уйга (Қоровул қўшинлари қўмондонлиги) келиб мурожаат қилишлари сўралади.
Ҳарбий-касбий саралаш номзодни дастлабки ўрганиш, жисмоний тайёргарлик даражасини баҳолаш, психологик ўрганиш, якуний суҳбат, тиббий кўрик, махсус текширув босқичларида ўтказилади.
Ҳарбий-касбий саралашда 18 ёшдан 30 ёшгача бўлган, бўй параметри 165 сантиметрдан паст бўлмаган, умумий ўрта, ўрта-махсус, профессионал ёки олий маълумотга эга бўлган хотин-қизлар иштирок этишлари мумкин.
Ҳарбий-касбий саралашда иштирок этадиган хотин-қизлар ўзлари билан шахсини тасдиқловчи ҳужжат, тамомлаган таълим муассасаси дипломи (шаҳодатномаси) ҳамда спорт кийими олиб келишлари лозим.
