ИИВ раҳбарияти томонидан Хоразм вилояти транспортда хавфсизликни таъминлаш бошқармаси хизмат фаолияти ўрганилди
2026-11-20 10:25:00 / Янгиликлар

ИИВ ўринбосари, генерал-майор Баходир Мирзарахимов томонидан Хоразм вилояти транспортда хавфсизликни таъминлаш бошқармасининг хизмат фаолияти ўрганилди.
Ўрганиш давомида бошқарма томонидан жамоат тартибини сақлаш, транспорт объектларида хавфсизликни таъминлаш, ҳуқуқбузарликларнинг олдини олиш ҳамда фуқароларнинг ҳуқуқ ва қонуний манфаатларини ҳимоя қилиш борасида амалга оширилаётган ишларга алоҳида эътибор қаратилди.
Шунингдек, ходимларнинг хизмат интизоми, касбий маҳорати, хизмат вазифаларига масъулият билан ёндашиши, фуқаролар билан мулоқот маданияти ҳамда хизмат фаолияти самарадорлиги таҳлил қилинди.
Ўрганиш якунида хизмат фаолиятини янада такомиллаштириш, мавжуд камчиликларни бартараф этиш, шахсий таркибнинг масъулиятини ошириш ва транспорт объектларида хавфсизликни таъминлаш борасида белгиланган вазифалар ижросини кучайтириш юзасидан тегишли кўрсатма ва топшириқлар берилди.
Асосий мақсад — транспорт объектларида тинчлик ва осойишталикни таъминлаш, фуқаролар хавфсизлигини янада мустаҳкамлаш ҳамда хизмат фаолияти самарадорлигини оширишдан иборат.
Транспорт ва туризм объектларида хавфсизликни таъминлаш Департаменти Ахборот гуруҳи



