Хавфсиз туризм ҳамда меҳнат миграцияси соҳасида Ўзбекистон ва Бангладеш давлатларининг ҳамкорлиги янада ривожланмоқда
2024-10-21 13:00:00 / Янгиликлар
Жорий йилнинг 21 октябрь куни Ички ишлар вазирлигида Бангладеш Халқ Республикасининг Ўзбекистон Республикасидаги Фавқулодда ва мухтор элчиси Муҳаммад Мунирул Ислам жаноблари билан Ички ишлар вазирлиги масъуллари ўртасида учрашув бўлиб ўтди.
Учрашувда томонлар кун тартибига биноан хавфсиз туризм, таълим ҳамда тартибли меҳнат миграцияси соҳасида икки давлат имкониятлари, мамлакатлар ўртасидаги виза тизимини соддалаштириш, шунингдек ўзаро амалий ҳамкорлигининг долзарб йўналишлари, хусусан, трансмиллий уюшган жиноятчилик, одам савдоси ва кибержиноятларга қарши курашиш масалаларини муҳокама қилдилар.
Дўстона ва конструктив руҳда ўтган тадбир якунида соҳага оид ҳамкорликни янада ривожлантириш борасида истиқболли вазифалар белгилаб олинди.