ИИВ раҳбарияти томонидан Самарқандда “Хавфсиз ва соғлом юрт” кенг кўламли тезкор-профилактик тадбирлари доирасида тунги хизмат олдидан йўриқнома ўтказилди
2026-11-17 09:00:00 / Янгиликлар

Ўзбекистон Республикаси ИИВ Жамоат хавфсизлиги департаменти Йўл ҳаракати хавфсизлиги хизмати ва Самарқанд вилояти ИИБ раҳбарияти томонидан ЙПХ ҳамда соҳавий хизматлар ходимлари иштирокида тунги хизмат олдидан йўриқнома ўтказилди.
Йўриқнома давомида шахсий таркибга тунги вақтда жамоат тартибини сақлаш, жиноятчилик ва ҳуқуқбузарликларнинг олдини олиш, йўл ҳаракати хавфсизлигини таъминлаш ҳамда йўл-транспорт ҳодисаларининг олдини олиш борасида тегишли топшириқ ва кўрсатмалар берилди.
Шунингдек, ходимларга хизмат интизомига қатъий риоя этиш, фуқаролар билан мулоқотда хушмуомала ва маданиятли бўлиш, ҳуқуқбузарликларни ўз вақтида аниқлаш ҳамда уларга нисбатан қонунчиликда белгиланган тартибда чора кўриш вазифалари юклатилди.
Айниқса, тунги вақтда содир этилиши мумкин бўлган қўпол қоидабузарликларнинг олдини олиш, йўл ҳаракати иштирокчилари хавфсизлигини таъминлаш ва жамоат тартибини сақлашга алоҳида эътибор қаратиш лозимлиги таъкидланди.
Йўриқнома якунида хизматга жалб этилган ходимлар Самарқанд шаҳри кўчаларида жамоат тартиби ва йўл ҳаракати хавфсизлигини таъминлаш, ҳуқуқбузарликларнинг олдини олиш мақсадида кучайтирилган тартибда тунги рейд тадбирларига йўналтирилди.
ИИВ Жамоат хавфсизлиги департаменти Йўл ҳаракати хавфсизлиги хизмати Ахборот хизмати









