Қорақалпоғистон Республикаси ИИВ раҳбарияти томонидан «Хавфсиз ва соғлом юрт» тадбири доирасида амалга оширилган ишлар муҳокама қилинди
2026-11-13 09:00:00 / Янгиликлар
Қорақалпоғистон Республикаси Ички ишлар вазири, полковник Бахтияр Торебеков раислигида республика ҳудудида ўтказилаётган «Хавфсиз ва соғлом юрт» тезкор-профилактик тадбирининг учинчи босқичи 10-куни давомида амалга оширилган ишлар муҳокамасига бағишланган видеоселектор йиғилиши бўлиб ўтди.
Унда тадбир доирасида масъул раҳбар ва ходимлар томонидан амалга оширилган ишлар, жамоат тартибини сақлаш, фуқаролар хавфсизлигини таъминлаш, ҳуқуқбузарлик ва жиноятчиликнинг олдини олиш борасида олиб борилган чора-тадбирлар атрофлича таҳлил қилинди.
Шунингдек, белгиланган вазифалар ижроси, эришилган натижалар ҳамда тадбир давомида йўл қўйилган камчиликларга алоҳида эътибор қаратилди. Йиғилиш давомида Қорақалпоғистон Республикаси Ички ишлар вазири полковник Бахтияр Торебеков томонидан масъул раҳбарларга тадбир самарадорлигини янада ошириш, ҳар бир йўналиш бўйича ишларни кучайтириш, аниқланган камчиликларни зудлик билан бартараф этиш ҳамда фуқароларнинг тинчлиги ва осойишталигини таъминлаш юзасидан тегишли топшириқлар берилди.
Тадбирнинг асосий мақсади — республика ҳудудида жамоат хавфсизлигини таъминлаш, ҳуқуқбузарликларнинг барвақт олдини олиш ва аҳоли учун хавфсиз муҳитни шакллантиришдан иборат.
Қорақалпоғистон Республикаси ИИВ Ахборот хизмати