Навоий вилояти ИИБ раҳбарияти раислигида куз-қиш мавсумини беталафот ўтказиш масалалари муҳокама қилинди
2026-11-09 09:20:00 / Янгиликлар
Навоий вилояти ИИБда куз-қиш мавсумини беталафот ўтказиш, шунингдек, аҳолини суюлтирилган газ билан ўз вақтида ва узлуксиз таъминлаш масалаларига бағишланган йиғилиш бўлиб ўтди.
Вилоят ИИБ бошлиғи раислигида ўтказилган мазкур йиғилишда Бошқарма соҳавий хизмат раҳбарлари, шаҳар-туман ИИБ ҳамда ҳудудий газ таъминоти бўлими раҳбарлари иштирок этди.
Унда куз-қиш мавсумига алоҳида тайёргарлик кўриш, мавсум давомида юзага келиши мумкин бўлган кўнгилсизликлар ва муаммоларнинг олдини олиш, газ таъминотида узилишларга ва турли хил қонунбузилиш ҳолатларига йўл қўймаслик ҳамда хавфсизлик чораларини тўлиқ таъминлаш масалалари атрофлича муҳокама қилинди.
Якунда барча масъулларга тегишли кўрсатма ва топшириқлар берилиб, ушбу масалага масъулият билан ёндашиш лозимлиги таъкидланди.
Навоий вилояти ИИБ Ахборот хизмати