Қорақалпоғистон Республикаси ИИВ раҳбарияти томонидан куз-қиш мавсумига тайёргарлик ва ёқилғи маҳсулотлари таъминоти назоратга олинди
2026-11-05 10:00:00 / Янгиликлар
Қорақалпоғистон Республикаси Ички ишлар вазири, полковник Бахтияр Торебеков томонидан республика ҳудудларида куз-қиш мавсумига тайёргарлик ҳолати, белгиланган тадбирларнинг бажарилиши ва ёқилғи маҳсулотлари таъминоти билан боғлиқ масалалар жойларга чиққан ҳолда ўрганилди.
Ўрганишлар давомида ёқилғи маҳсулотларининг мақсадли тақсимланиши, уларнинг ноқонуний айланишига йўл қўймаслик ва ҳуқуқбузарликларнинг олдини олиш бўйича амалга оширилаётган ишлар муҳокама қилинди.
Шунингдек, куз-қиш мавсумига тайёргарлик бўйича белгиланган чора-тадбирларни ўз вақтида ва сифатли бажариш, масъул шахсларнинг жавобгарлигини ошириш ҳамда аниқланган камчиликларни тезкорлик билан бартараф этиш зарурлиги таъкидланди.
Ўрганишлар жараёнида аҳоли ва ижтимоий соҳа объектларининг ёқилғи маҳсулотларига бўлган эҳтиёжини узлуксиз таъминлаш, мавжуд ресурслардан оқилона ва самарали фойдаланиш масалаларига ҳам алоҳида эътибор қаратилди.
Масъул ходимларга таъминот жараёнида белгиланган тартиб ва меъёрларга қатъий риоя қилиш, аҳоли мурожаатларини ўз вақтида кўриб чиқиш ҳамда юзага келиши мумкин бўлган муаммоларни тезкор бартараф этиш бўйича вазифалар белгилаб берилди.
Айниқса, ёқилғи маҳсулотларининг белгиланган манзилларга тўлиқ ва ўз вақтида етказиб берилиши, уларнинг сақланиши ҳамда тақсимланишида қонунийлик ва шаффофликни таъминлаш зарурлиги таъкидланди.
Шу билан бирга, ёқилғи ресурсларининг талон-торож қилиниши, ноқонуний сотилиши ёки бошқа мақсадларда фойдаланилишига йўл қўймаслик, бундай ҳолатларнинг олдини олиш бўйича профилактик чораларни кучайтириш юзасидан тегишли кўрсатмалар берилди.
Масъулларга ёқилғи маҳсулотларининг мақсадли тақсимланиши устидан назоратни кучайтириш, қонунийликни таъминлаш, ёқилғи ресурсларининг ноқонуний айланмасига чек қўйиш ҳамда аҳолини ёқилғи маҳсулотлари билан барқарор таъминлаш юзасидан тегишли кўрсатмалар берилди.
Қорақалпоғистон Республикаси ҳудудларида куз-қиш мавсумига тайёргарлик, ёқилғи маҳсулотлари таъминоти ва уларнинг мақсадли тақсимланиши устидан назорат тадбирлари республика ИИВ раҳбарияти томонидан белгиланган вазифалар ижросини таъминлаш мақсадида изчил давом эттирилмоқда.
Қорақалпоғистон Республикаси ИИВ Ахборот хизмати