Қорақалпоғистон Республикаси Жўқорғи Кенгесида “Қорақалпоғистондаги жиноятчиликнинг илмий таҳлили, тадқиқот натижалари ва келгусидаги устувор вазифалар” мавзусида муҳокама йиғилиши бўлиб ўтди
2026-10-13 12:35:00 / Янгиликлар
Тадбирда ҳуқуқни муҳофаза қилувчи органлар, тегишли давлат ташкилотлари масъуллари ҳамда Жўқорғи Кенгес депутатлари иштирок этди. Йиғилишда Ўзбекистон Республикаси Криминология тадқиқот институти томонидан Вазирлар Маҳкамасининг 2024 йил 24 июлдаги 445-сон қарори ҳамда O‘zbekiston Республикаси Президентининг 2026 йил 5 январдаги ПҚ-1 ва ПҚ-2-сон қарорлари ижроси доирасида амалга оширилган ишлар муҳокама қилинди.
Шунингдек, Институт томонидан амалга оширилган “Қорақалпоғистон Республикаси жиноятчилигини тадқиқ қилиш” илмий-амалий тадқиқот лойиҳасининг якуний натижалари тақдим этилди.
Тадқиқот доирасида Қорақалпоғистон Республикасининг 2021–2025 йиллардаги криминоген вазияти, жиноятчиликнинг асосий тенденциялари, унинг келиб чиқишига таъсир этувчи сабаб ва шарт-шароитлар ҳамда ҳудудларнинг ўзига хос хусусиятлари комплекс таҳлил қилинди.
Ўрганишлар натижасида ҳудуддаги криминоген вазиятга илмий баҳо берилиб, жиноятчилик ривожланишининг прогнозлари ишлаб чиқилди. Шунингдек, жиноятчиликнинг олдини олиш, ҳуқуқбузарликлар профилактикаси самарадорлигини ошириш ва мавжуд профилактика механизмларини такомиллаштиришга қаратилган амалий таклиф ва тавсиялар ишлаб чиқилди.
Муҳокама давомида тадқиқот натижаларидан ҳудудда жиноятчиликнинг олдини олиш ва профилактика ишларини самарали ташкил этишда фойдаланиш масалаларига алоҳида эътибор қаратилди.
Йиғилиш якунида илмий тадқиқот натижаларининг криминоген вазиятни чуқур таҳлил қилиш, жиноятчиликнинг сабаб ва шарт-шароитларини аниқлаш ҳамда профилактика фаолиятини илмий асосда такомиллаштиришдаги амалий аҳамияти таъкидланди.
Ўзбекистон Республикаси Криминология тадқиқот институти