Сирдарё вилояти ИИБ раҳбарияти томонидан ёшлар ўртасида гиёҳвандлик ва психотроп моддалар тарқалишининг олдини олиш ҳамда фуқароларни кибержиноятлардан ҳимоя қилиш борасида амалга оширилаётган ишлар муҳокама қилинди
2026-10-10 09:00:00 / Янгиликлар
Сирдарё вилояти ички ишлар бошқармасида бошқарма бошлиғи, полковник Сардор Мирзараимов раҳбарлигида йиғилиш бўлиб ўтди.Унда бошқарма бошлиғининг ўринбосарлари ҳамда соҳавий хизматлар раҳбарлари иштирок этди.
Йиғилиш кун тартибида ёшлар ўртасида гиёҳвандлик ва психотроп моддаларнинг тарқалишига қарши курашиш, шунингдек, фуқароларни кибержиноятлардан ҳимоя қилиш борасида амалга оширилаётган ишлар муҳокама этилди.
Дастлаб, жорий йилнинг 1 октябридан 1 ноябрига қадар мамлакатимиз бўйлаб ўтказилиши белгиланган «Ёшлар орасида гиёҳвандлик ва психотроп моддаларнинг тарқалишига қарши курашиш» комплекс тезкор-профилактик тадбири доирасида шу кунга қадар амалга оширилган ишлар таҳлил қилинди.
Хусусан, ёшлар ўртасида гиёҳвандликнинг олдини олиш, ҳуқуқбузарликларни барвақт аниқлаш, профилактик назорат тадбирларини самарали ташкил этиш ҳамда тарғибот ишларини кучайтириш масалаларига алоҳида эътибор қаратилди.
Шунингдек, йиғилишда «APK Qo‘riqchi» мобил иловасини аҳоли ўртасида кенг тарғиб қилиш, унинг имкониятлари ҳақида фуқароларга батафсил маълумот бериш ҳамда киберхавфсизликка оид огоҳликни ошириш бўйича амалга оширилаётган ишлар кўриб чиқилди.
Йиғилиш якунида муҳокама этилган масалалар юзасидан тегишли масъулларга профилактик тадбирлар самарадорлигини ошириш, ёшлар ўртасида гиёҳвандликнинг олдини олишга қаратилган ишларни изчил давом эттириш ҳамда фуқароларни кибержиноятлардан ҳимоя қилиш борасидаги тарғибот тадбирларини янада кучайтириш бўйича тегишли вазифалар белгилаб берилди.
Сирдарё вилояти ИИБ Ахборот хизмати