Сирдарё вилояти Халқ қабулхонасида вилоят ИИБ раҳбариятининг навбатдаги шахсий қабули бўлиб ўтди
2026-10-06 11:25:00 / Янгиликлар
Ўзбекистон Республикаси Президентининг Сирдарё вилояти Халқ қабулхонасида вилоят Ички ишлар бошқармаси бошлиғи, полковник Сардор Мирзараимовнинг фуқаролар мурожаатларига бағишланган навбатдаги шахсий қабули бўлиб ўтди.
Қабул давомида фуқароларнинг ҳуқуқ ва қонуний манфаатларини ҳимоя қилиш, уларнинг мурожаатларида кўтарилган масалаларни қонуний ва адолатли ҳал этишга алоҳида эътибор қаратилди.
Шахсий қабул жараёнида 10 га яқин мурожаат кўриб чиқилди. Хусусан мурожаатларнинг асосий қисмини тергов ва суриштирув жараёнлари,шартномавий низолар, айбдор шахсларга нисбатан қонуний чоралар кўриш ҳамда ҳуқуқбузарликлар профилактикаси масалаларига оид бўлди.
Ҳар бир мурожаат юзасидан фуқароларнинг фикрлари тингланиб, кўтарилган масалаларни белгиланган тартибда ўрганиш ва қонуний ечим топиш бўйича масъул ходимларга тегишли топшириқлар берилди.
Сирдарё вилояти Ички ишлар бошқармаси бошлиғининг фуқаролар мурожаатларини бевосита ўрганиш , уларнинг муаммоларини ўз вақтида аниқлаш ва қонуний асосда ҳал этиш, шунингдек, аҳоли билан очиқ ва самарали мулоқотни йўлга қўйишга қаратилган бундай қабуллари давом этмоқда.
Сирдарё вилояти ИИБ Ахборот хизмати