Бухоро вилояти Халқ қабулхонасида суд-ҳуқуқ масалалари ва фуқароларни қийнаётган муаммолар кўриб чиқилди
2026-10-04 09:00:00 / Янгиликлар
Бухоро вилояти ҳокими Ботир Зарипов Ўзбекистон Республикаси Президентининг вилоятдаги Халқ қабулхонасида навбатдаги шахсий қабулини ўтказди. Қабул давомида асосий эътибор аҳоли муаммоларини қонуний ҳал этиш орқали ҳудудда ижтимоий-криминоген вазиятни барқарорлаштириш ҳамда фуқароларнинг ҳуқуқий хавфсизлигини таъминлашга қаратилди.
Мулоқот давомида фуқаролар томонидан қилинган суд-ҳуқуқ тизимига оид мурожаатлар, ижтимоий низоларнинг барвақт олдини олиш ҳамда ҳуқуқбузарликлар профилактикаси масалалари батафсил ўрганилди. Шунингдек аҳоли бандлигини таъминлаш, турмуш шароитини ҳамда инфратузилмани яхшилаш каби масалалар ҳам жиноятчиликдан холи хавфсиз муҳит яратишнинг муҳим омили сифатида таҳлил қилинди. Турли маиший низолар ва келишмовчиликлар йирик ҳуқуқбузарликларга айланиб кетишининг олдини олиш мақсадида ҳар бир мурожаат қонунчилик талаблари асосида чуқур кўриб чиқилди.
Ҳар бир мурожаат юзасидан ҳуқуқ-тартибот идоралари ва тегишли масъул раҳбарларга аниқ вазифалар белгиланиб ижроси қатъий назоратга олинди. Фуқаролар билан очиқ мулоқотни кучайтириш, муаммоларни жойида ва адолатли ҳал этиш орқали аҳолининг давлат идораларига бўлган ишончини ошириш ҳудудда тинчлик ҳамда осойишталикни таъминлашнинг энг асосий кафолати эканлиги қайд этилди.
Бухоро вилояти ИИБ Ахборот хизмати