Андижон вилояти ИИБ раҳбарияти томонидан Қўриқлаш хизмати фаолияти ўрганилиб, хавфсизликни таъминлаш ва хизмат самарадорлигини ошириш вазифалари белгилаб берилди
2026-10-04 09:00:00 / Янгиликлар
Жорий йилнинг 2 октябрь куни Андижон вилояти Ички ишлар бошқармаси бошлиғи, полковник Абдумажид Шермухамедов томонидан вилоят ИИБ ҳузуридаги Қўриқлаш хизмати фаолияти яқиндан ўрганилди.
Ўрганиш давомида хизматни замонавий талаблар асосида ташкил этиш, қўриқланаётган объектларда хавфсизлик чораларини кучайтириш, мавжуд техник имкониятлардан самарали фойдаланиш ҳамда ходимларнинг хизмат вазифаларини сифатли бажариши масалаларига алоҳида эътибор қаратилди.
Шунингдек, объектларни қўриқлашда замонавий ахборот-коммуникация технологияларини кенг жорий этиш, хавф-хатарларни барвақт аниқлаш ва уларга тезкор муносабат билдириш, ходимларнинг касбий маҳорати ва хизмат интизомини янада ошириш бўйича тегишли кўрсатма ва топшириқлар берилди.
Ўрганиш якунида Қўриқлаш хизмати фаолиятини такомиллаштириш, қўриқланаётган объектларда ишончли хавфсизликни таъминлаш ва фуқаролар мол-мулкини самарали ҳимоя қилишга қаратилган вазифалар белгилаб берилди.
Белгиланган вазифалар ижроси масъул раҳбарлар томонидан назоратга олиниб, хизмат самарадорлигини оширишга қаратилган ишлар изчил давом эттирилиши таъкидланди.
Андижон вилояти ИИБ Ахборот хизмати