Жиззах вилоятида «Намунали патруль-пост хизмати ходими» ва «Намунали патруль-пост хизмати қисм командири» кўрик-танловининг Республика босқичи ўтказилди
2026-09-30 19:55:00 / Янгиликлар
Жиззах вилоятининг Зомин туманида ички ишлар органларининг патруль-пост хизмати ходимлари ўртасида «Намунали патруль-пост хизмати ходими» ва «Намунали патруль-пост хизмати қисм командири» кўрик-танловининг Республика босқичи ўтказилди. Унда юртимизнинг турли ҳудудларидан келган ҳудудий босқич ғолиблари иштирок этди.
Беллашувда иштирокчиларнинг назарий билими онлайн тестлар орқали, жисмоний тайёргарлиги турникда тортилиш, 100 ва 1000 метрга югуришда баҳоланди. Шунингдек, Пекити Тирция Кали бўйича амалий кўникмалар, амалий ўқ отиш бўйича мерганликлари синовдан ўтказилди.
Жамоавий йўналишда Жиззах вилояти ички ишлар бошқармаси жамоат хавфсизлиги хизмати жамоат тартибини сақлаш бошқармаси патруль-пост хизмати жамоаси ғолиб бўлди. «Намунали патруль-пост хизмати қисм командири» ҳамда «Намунали патруль-пост хизмати ходими» йўналишларида ҳам жиззахлик соҳа ходимлари биринчиликни қўлга киритишди.
Жиззах вилояти ИИБ Ахборот хизмати